BIZNESNI BOSHQARISH

BIZNESNI BOSHQARISH 2019-11-13T22:12:56+00:00

Project Description

“Biznesni boshqarish” yoʻnalishi har qanday mamlakatning iqtisodiy rivojlanishi uchun eng muhim omillaridan biri hisoblanadi. Ishbilarmonlik muhitini yaratish, tadbirkorlik subyektlari faoliyatini samarali tashkil etish va xorijiy investitsiyalarni keng jalb etish, Jahon bankining “Doing Business” reytingida yuqori  oʻrinlarni egallash bugungi kunda tadbirkorlik sohasida olib borilayotgan islohotlarning asosiy zamini hisoblanadi.

Dastur maqsadi

Iqtisodiyot, moliya va soliq sohasida, tadbirkorlik faoliyati va uni samarali tashkil etish haqida talabalarda har tomonlama keng qamrovli bilim va koʻnikmalarini shakllantirish. Yirik tadbirkor va ishbilarmonlar bilan uchrashuvlar tashkil etish va oʻzining mustaqil  biznesini samarali tashkil etish uchun yetarli bilimlarga ega boʻlgan mamlakat iqtisodiyoti sohasida yetuk yuqori sifatli va malakali kadrlarni tayyorlash.

Natija

  “Biznesni boshqarish” taʼlim yoʻnalishi bitiruvchilari mamlakat iqtisodiyotining muhim sohalarida, bank, moliya, investitsiya, birja va sanoat sohalarida, davlat idoralari va reklama agentliklari, yirik xalqaro kompaniyalarda yetuk mutaxassis boʻlib ishlashlari mumkin. Qolaversa, bitiruvchi talabalar oʻzlarining mustaqil biznes faoliyatini va tadbirkorlik subyektlarini tashkil etishi mumkin.

Toshkent shahridagi Yodju texnika instituti oʻz talabalariga nafaqat nazariy bilim berish, balki shu bilimlaridan kelajakdagi ish faoliyatlarida foydalana olishlari haqida ham qaygʻuradi. Shuning uchun taʼlimning asosiy negizini nazariy bilimlar bilan birgalikda ularda amaliy koʻnikmalarni shakllantirish va rivojlantirish ham tashkil qiladi.

Bakalavriat davrining asosiy oʻquv dasturi:

1-kurs: Informatika, iqtisodiyot asoslari, menejment asoslari, statistika asoslari, Oʻzbekiston tarixi va uning rivojlanish strategiyasi, Jahon tarixi va geografiyasi, rus, ingliz hamda koreys tillari kabi fanlarni oʻz ichiga olgan.

2-kurs: Biznesni boshqarish sohasiga aloqador boʻlgan biznes hujjatlarini yurgʻizish, marketing menejmenti, moliya, buxgalteriya, global menejment, isteʼmolchilar xulqi, menejment strategiyasi kabi fanlarni ichiga olgan.

3-kurs: Biznes boshqaruvida axborot tizimi, biznes tashhislari, samarali menejment, elektron tijorat, logistika, menejment innovatsiyasi fanlari boʻyicha nazariy hamda amaliy kurslar.

4-kurs: Bitiruvchi talabalarga investitsiya, menejment texnologiyalari, strategik qarorlar qabul qilish, korxona resurslarini rejalashtirish kabi fanlar nazariy xamda amaliy oʻtiladi, kurs yakunida bitiruv tadqiqot ishi bajariladi.

Bizning faxrimiz!

“Biznes boshqaruv” ta’lim yo’nalishi talabasi Abduraxmonova Munisa Institutda 2018-2019 o’quv yilida barcha fanlarini a’lo baholarga o’zlashtirganligi uchun Institut rektorining 100% ta’lim grantini qo’lga kiritdi va 2019-2020 o’quv yili 2-kursida mutlaqo bepul tahsil olmoqda. Ofarin!

Eʼtirof

2018 yil 12-18-noyabr kunlari O’zbekistonda boʻlib oʻtgan “2-Global tadbirkorlik haftaligi”da “Biznes boshqaruv” ta’lim yo’nalishi talabalari faol ishtirok etgani uchun Toshkent shahridagi Yodju texnika institutiga tashkilotchilar tomonidan tashakkurnoma sertifikati taqdim etildi.

Tanishtiruv

2019 yil 15-20 aprel kunlari “Biznes boshqaruv” ta’lim yo’nalishi talabalari oila a’zolari Institut faoliyati bilan yaqindan tanishishdi.

Boykarayev Farrux – Biznes boshqaruv yo’nalishi 1 bosqich talabasi.

Toshkent shahridagi Yodju texnika institutida biz sifatli ta’lim va ko’nikmalarga ega bo’lishimiz mumkin. Talabalar uchun eng yaxshi sharoitlar yaratilgan. Auditoriyalar yangi, yorug’ va zamonaviy texnologiyalar bilan ta’minlangan. Institut talabalar uchun yangi gorizonlarni o’chib beradi! Benjamin Franklin aytganidek: Bilimga tikilgan investitsiya eng kata daromaddir.

Salom! Men Abduraxmanova Munisa va men Toshkent shahridagi Yodju texnika institutining ikkinchi kurs talabasiman. Vaqt juda tez o’tmoqda. Bu yil men 100% grant sohibiga aylandim. Men bunga erishganimdan juda xursandman. Men qisqa vaqt ichida juda ko’p narsalarni o’rgandim. Shubhasiz aytishim kerakki, bizning institutimizda hamma narsa shaffof tarzda olib borilmoqda va albatta siz o’z ustingizda ishlab, bilim saviyangizni namoyish qilib imtihonlardan yuqori natijalarga erishsangiz siz ham ushbu grant sohibiga aylanishingiz mumkin. Men barchaga o’qishlarida omad tilab, shuningdek 100% grant olishga tilakdoshman. Institutda olgan eng qimmatli narsalarimdan biri bu yaxshi do’stlar jamoasi. Ushbu o’quv yilida men iqtisodiyot va moliya sohasida juda ko’p bilimlarga ega bo’ldim. Talabalarning o’zlashtirish darajasi yuqoriligining omillaridan biri bu institut o’qituvchi va professorlarining dunyo qarashi va bilim salohiyati kuchliligidan dalolat beradi. Institutimizda ko’plab zamonaviy qulayliklar mavjud va talabalar uchun yaxshi sharoitlar yaratilgan. Bizning o’qituvchilarimiz va professorlarimiz doimo bizni qo’llab-quvvatlashga harakat qilishadi. Xulosa qilib shuni aytmoqchimanki, ushbu institutdagi hayotim men uchun juda qiziqarli va foydali bo’lmoqda. Asosiy sabab shundaki, bizning institutdagi hayot menga akademik sohadagi bilimlarimni oshirish, shuningdek kelajakda kasbiy o’sishimga imkoniyat beradi.